Afzal Ahmad Syed
hua hai qata mira dast-e-mojaza tujh pe
giyah-e-zard bahut hai ye saneha tujh pe
main chahta huun mujhe mashalon ke saath jala
kushada-tar hai agar khema-e-hava tujh pe
main apne kushta charaghon ka pul bana deta
kisi bhi shaam miri nahr-e-pesh-pa tujh pe
ye koi kam hai ki ai reg-e-shisha-e-saat
uga raha huun main ik nakhl-e-aina tujh pe
ki ajnabi huun bahut saya-e-shajar ke liye
so reg-e-zard men hota huun ru-numa tujh pe
pukarti hai mujhe khak-e-khisht-e-paivasta
ye nasb hone ka hai khatm silsila tujh pe
Leave a Reply