hosh nahin hai dosh ka jalva-gah-e-namaz men
sar hi ka kuchh pata nahin sajda-e-be-niyaz men
sub.h-e-azal bhi be-naqab jis ki nigah-e-naz men
haa.e vo surat-e-jamil but-kada-e-majaz men
ishq ki zindagi ka raaz gum hai shikast-e-saz men
ishrat-e-ruh DhunDiye shorish-e-jan-gudaz men
juz dil-e-ishq-e-mo’atabar aur ko is ki kya ḳhabar
alam-e-rang rang hai parda-e-raz raaz men
meri nigah-e-shauq men vo bhi maqam hai jahan
husn ka bhi pata nahin apni harim-e-naz men
kaise rukua kya sujud kaise qayam kya qu.uud
meri namaz kho ga.i kaifiyat-e-namaz men
ai dil-o-jan-e-ashiqan maana ki kuchh nahin yahan
tere siva magar hai kya dida-e-imtiyaz men
nisbat-e-husn hai mujhe ishq se rabt hai mira
sho.ala-e-barq-e-naz huun vadi-e-soz-o-saz men
‘arzu’ meri ziist ab tishna-e-in-o-an nahin
mera guzar hai aj-kal yaar ki bazm-e-naz men
Leave a Reply