Abdul Aziz Khalid
hon kyuun na munkashif asrar past-o-bala ke
jame hain paanv zamin par sar asman ko chhue
jo sarnavisht men hai us ko ho ke rahna hai
to kis bharose pe insan jidd-o-jahd kare
ab asman se sahife nahin utarte magar
khula hua hai dar-e-ijtihad sab ke liye
zaban ata kare sher un ki be-zabani ko
jo apne karb ka iz.har kar nahin sakte
bahar-o-bahjat-o-izz-o-vaqar us pe nisar
zaban se maal se jaan se jo zalimon se lade
hai ansuon men shifa kaisi kya khabar us ko
bahae makr se jo jhut-mut ke tasve
hai bas-ki kaam ham aison ka bhi masihai
ham asman pe zinda uthae jaenge
Leave a Reply