Ho Ruh Ke Tain Jism Se Kis Tarah Mohabbat

ho ruuh ke taiin jism se kis tarah mohabbat

taair ko qafas se bhi kahin ho hai mohabbat

go zill-e-huma mat ho rahe sar pe hamare

ta-hashr tera saya-e-divar salamat

atvar tire bais-e-afat-e-jahan hain

asar tire hainge sab asar-e-qayamat

sayyad na ab be-par-o-balon ko tu ab chhod

phir hasrat-e-gul degi hamen saḳht aziyyat

asbab jahan ki to dila fikr na kar tu

hasil nahin kuchh is men ba-juz ranj-o-mashaqqat

chhodunga na main tujh ko tire ḳhat ke bhi aae

tu tab bhi na ho yaar to ye bhi miri qismat

‘taban’ tu sada sair har ik gul ki kiya kar

is gulshan-e-hasti ka nazara hai ghanimat

Leave a Comment