Ho Na Betab Ada Tumhaari Aaj

ho na betab ada tumhari aaj

naaz karti hai be-qarari aaj

ud gaya khaak par ghubar apna

ho gai khaak khaksari aaj

nazaa hai aur roz vaada-e-vasl

hai bahar-taur dam-shumari aaj

mana-e-qatl kyuun hua dushman

jaan hi jaegi hamari aaj

tere aate hi dam men dam aaya

ho gai yaas umid-vari aaj

koi bheje hai dil ko pahlu men

kis ne ki us se ham-kinari aaj

us ke shikve se hai asar zahir

kuchh to kahti hai ah-o-zari aaj

ik nai aarzu ka khuun hua

ham hain aur taaza sogvari aaj

chhut gae mar ke nesh-e-hijran se

kaam aae hai zakhm-e-kari aaj

bekasi kyuun hai naash par majmaa

kya hui tu miri piyari aaj

bhule hazrat nasihat ai naseh

hai kisi ki to yadgari aaj

‘momin’ us but ko dekh aah bhari

kya hua laf-e-din-dari aaj

Leave a Comment