ho ke mayus uTh ga.e dar se
hausle dhuup ke mire ghar se
tere ehsan ka javab nahin
baar utra na phir kabhi sar se
jhuk ke milta hai jo gharibon se
vo to uncha hai har qad-avar se
tum to bahar se joḌte ho mujhe
main to TuuTa hua huun andar se
kitna faqon men lutf aata hai
puchh luun kya kisi qalandar se
ik farishta bashar ke huliye men
mil gaya hai mujhe muqaddar se
jism koi juda nahin milta
jism hain saare sang-e-marmar se
DhunDne aa.e the shab-e-gham ko
ḳhalvaton men sharab ko tarse
suuni hain yaar bin guzargahen
dard ki aankh se lahu barse
bad-gumani bhi ho ga.i zahir
tere andar se tere bahar se
ḳhvab hote hain TuTne ke liye
aaj tabir-e-ḳhvab ko tarse
ishq aur ashiqi se us ko kya
aur kya sunte us suḳhnavar se
Leave a Reply