Khumar Mirzada
ho ke a.ina muqabil bhi raha rad ki nahin
darmiyan aaj bhi hai hijr ki sarhad ki nahin
dil-baran yunhi na thi kufr-parasti dil ki
ftina-e-sub.h-e-qayamat hai tira qad ki nahin
haan bata vahm se katra.e hue husn-e-yaqin
nang-e-tahqiq hui rasm-e-ab-o-jad ki nahin
dil se us rashk-e-charagh-e-harm-o-dair ke ba.ad
hai vahi vahshat-e-tariki-e-ma.abad ki nahin
zindagi aaj talak meri tamanna-gah men
tere kuchh kaam bhi aa.i hai ḳhushamad ki nahin
hairaten aap bhula baiThi thiin tai kar ke jinhen
a.ina-ḳhanon men raa.ij hai vo abjad ki nahin
ishq men kaun muqabil tha mire kis pe khule
mansab-e-qais ki ḳhvahan hai ye masnad ki nahin
Leave a Reply