ho gaya pa.emal ankhon men
mar gaya ik saval ankhon men
us ki do be-misal ankhon
husn tha ba-kamal ankhon men
kya bacha pur-malal ankhon men
hai faqat ḳhuun laal ankhon men
ishq-e-avval hai zehn men janan
jo hua tere naal ankhon men
jin se nikli ho ansuon ki nadi
tum ne dekha vo taal ankhon men
jang jaari hai chaar ankhon men
ho raha hai qital ankhon men
un ki ankhon se jab mili ankhen
dil ka kah Daala haal ankhon men
zindagi be-vafa hai ai ‘arif’
itne sapne na paal ankhon men
Leave a Reply