ain-irfan

Ho din Ki Chahe Raat Koi Masala Nahin

ho din ki chahe raat koi mas.ala nahin

mere liye hayat koi mas.ala nahin

uljha hua huun kab se savalon ke dasht men

kaise kahun main zaat koi mas.ala nahin

chalna hai saath saath ki rahen badal len ham

tu soch mere saath koi mas.ala nahin

jo ho mufid aap vahi faisla karen

manen na meri baat koi mas.ala nahin

sahra ki tez dhuup mujhe aa gai hai raas

jangal ki sard raat koi mas.ala nahin

‘irfan’ apne saath kabhi rah ke dekhna

ḳhud se ta.alluqat koi mas.ala nahin

More Poems

Leave a Comment