Hindu Na Ban Saka Main Musalman Na Ban Saka

Poet

hindu na ban saka main musalman na ban saka

giita suni na hafiz-e-quran na ban saka

main dard-e-sar to ban gaya har ek ke liye

lekin kisi ke dard ka darman na ban saka

masnad-nashin na ban saka ye aur baat thi

sad haif tere dar ka bhi darban na ban saka

ḳhud men sama ke ḳhud ko hi karta raha salam

apne siva kisi ka sana-ḳhvan na ban saka

kitne hi shad-kam bashar se ḳhuda hue

main bad-nasib aaj tak insan na ban saka

kanTa to ban gaya main kisi ḳharzar men

lekin kabhi gul-e-chamanistan na ban saka

sher-o-suḳhan men yuun to guzari tamam umr

is par bhi ‘azam’ ek suḳhan-dan na ban saka