hikayat-e-dil-e-mahzun na qissa-e-majnun
kisi ki baat sunun main na apni baat kahun
to main vahi huun jise vo aziiz rakhta tha
main ḳhud ko soch to luun a.ine men dekh to luun
to jis libas men kal us ne mujh ko dekha tha
vahi qamis pahan kar udhar se phir guzrun
vo ek lamha azal-ta-abad vahi lamha
vo mujh se kuchh na kahe main bhi us se kuchh na kahun
vo bhuul jaa.e mujhe us ko bhuul ja.un main
charagh-e-jan use nisyan ke taaq par rakh duun
Leave a Reply