Faisal Ajmi
hijr maujud hai fasane men
saanp hota hai har ḳhazane men
raat bikhri hui thi bistar par
kaT ga.i silvaTen uThane men
rizq ne ghar sambhal rakkha hai
ishq rakkha hai sard ḳhane men
raat bhi ho ga.i hai din jaisi
ghar jalane ke shaḳhsane men
roz aaseb aate jaate hain
aisa kya hai gharib-ḳhane men
ho rahi hai mulazmat ‘faisal’
ra.egani ke kar-ḳhane men
Leave a Reply