Hijr Ki Sham aaKHiri to Nahin

hijr kī shaam āḳhirī to nahīñ

merī hai kaun vo mirī to nahīñ

baat merī hai ki bichhaḌte haiñ

māntā huuñ magar kahī to nahīñ

tum ko jaanā hai to chalī jaao

āñkheñ kholīñ haiñ tū ga.ī to nahīñ

kyā thā vo hiir kī kahānī meñ

jo yahāñ pe huā vahī to nahīñ

muskurāte ho merī ġhurbat par

ye kisī par sadā rahī to nahīñ

ye jo chaltī hai zindagī hai mirī

jis ko ruknā thā vo rukī to nahīñ

Leave a Comment