hijr ka chand dard ki naddi
yahi surat hai apni duniya ki
regzaron men sang khilte hain
jaise baghon men shaḳh shaḳh kali
mera ghar hai ki ‘mir’-sahib ka
uf ye honTon pe talḳh talḳh hansi
aa gaya mausam-e-zamistan kya
aag ki justuju men raat kaTi
ku-ba-ku dar-ba-dar bhaTakte hue
dekh li aaj maut ki bhi gali
qufl honTon ka TuuT kar hi raha
dil-e-afsurda raat biit chali
ek chalti hui ghazal par raat
‘rahi’-e-gham-zada ne nazm kahi
Leave a Reply