ana-e-jazb-o-junun auj se kamal giri
mujhe jo hosh mila paanv se dhamal giri
yaqin hone laga har guzarte din ke saath
shikasta jism ki divar ab ke saal giri
main us ki aankh ke zer-o-zabar samajhta huun
palak pe kyon vo palak lamha-e-saval giri
rida-e-sharm liye aankh men main aage baḌha
hava men uḌ ke jab us ke badan se shaal giri
uruj-e-vaqt se aage ka koi lamha tha
‘figar’ banhon men jab vo pari-jamal giri
Leave a Reply