hazar kahta raha main ki yaar ek minute
kiya na us ne mira intizar ek minute
main janta huun ki hai ye ḳhumar ek minute
idhar bhi aa.i thi mauj-e-bahar ek minute
pata chale ki hamen kaun kaun chhoḌ gaya
zara chhaTe to ye gard-o-ghubar ek minute
abad talak hue ham us ke vasvason ke asiir
kiya tha jis pe kabhi e’tibar ek minute
agarche kuchh nahin auqat ek hafte ki
jo sochiye to hain ye das hazar ek minute
phir aaj kaam se taḳhir ho ga.i ‘basir’
kisi ne ham se kaha baar baar ek minute
Leave a Reply