poet

Hazar Jaan Se Sahab Nisar Hum Bhi Hain

hazar jaan se sahab nisar ham bhi hain

tumhari tir-e-nigah ke shikar ham bhi hain

azal se dakhil-e-fard-e-shumar ham bhi hain

tumhare chahne valon men yaar ham bhi hain

hamesha ham se kudurat rahi hasinon ko

na dil se nikle kabhi vo ghubar ham bhi hain

musafiron ki tavazo se naam hota hai

karam karo ki gharib-ud-dayar ham bhi hain

sharab piite hain to jagte hain saari raat

mudam abid-e-shab-zinda-dar ham bhi hain

hazar baar hasinon se ham ne nok ki li

gulon ki aankh men khatke vo khaar ham bhi hain

ajiib rutba inayat kiya hai qambar ko

ghulam ya shah-e-duldul-savar ham bhi hain

junun ke haath se hai in dinon gareban tang

qaba pukarti hai taar taar ham bhi hain

bade hi chaliye hain chaal chalte hain har dam

vo chukte nahin par hoshiyar ham bhi hain

raqib ko bhi hai baar un ki bazm men ‘agha’

sharik-e-sohbat-e-bos-o-kanar ham bhi hain

More Poems

Leave a Comment