Urooj Qadri
hayat hai mire dil ki kisi ki zinda yaad
usi se hai ye daraḳhshan usi se hai abad
vafa na ho to mohabbat ka e’tibar nahin
jafa na ho to hai ye dilbari bhi be-buniyad
tamam jism hai fasid tamam jism ḳharab
agar na jaa.e kisi aadmi ke dil ka fasad
ab ek qissa-e-mazi hai zulm-e-changezi
ki ho ga.e hain na.i qism ke sitam ijad
mujhe batao jagah vo jahan mile mujh ko
jigar ka soz nazar ka hijab dil ki kushad
mire yaqin ki hai buniyad aql se mohkam
tumhare shakk-o-taraddud ki sust hai buniyad
‘uruj’ fikr-e-asiri se zehn ḳhali kar
bala se jism hai mahbus dil to hai azad
Leave a Reply