Haya Se Sar Jhuka Lena Ada Se Muskura Dena

haya se sar jhuka lena ada se muskura dena

hasinon ko bhi kitna sahl hai bijli gira dena

ye tarz ehsan karne ka tumhin ko zeb deta hai

maraz men mubtala kar ke marizon ko dava dena

balaen lete hain un ki ham un par jaan dete hain

ye sauda diid ke qabil hai kya lena hai kya dena

ḳhuda ki yaad men mahviyat-e-dil badshahi hai

magar asan nahin hai saari duniya ko bhula dena

Leave a Comment