Hawa Se Istifada Kar Liya Hai

havā se istifāda kar liyā hai

charāġhoñ ko libāda kar liyā hai

bahut jiine kī ḳhvāhish ho rahī thī

so marne kā irāda kar liyā hai

maiñ ghaTtā jā rahā huuñ apne andar

tumheñ itnā ziyāda kar liyā hai

jo kāñdhoñ par uThā.e phir rahā thā

vo ḳhema īstāda kar liyā hai

na thā kuchh bhī mirī pechīdgī meñ

to maiñ ne ḳhud ko saada kar liyā hai

Leave a Comment