hava ke dosh pe ye jo savar paani hai
mira yaqin karo be-shumar paani hai
ki pyaas bujh nahin paai hai is se pyason ki
isi liye to bahut sharmsar paani hai
bujhe kuchh aise nadi men charagh bahte hue
havaen hansne lagin sogvar paani hai
tu ek jhiil hai saif-ul-muluk ke jaisi
men aisa thar ki jahan ar-par paani hai
main dekh haath men mashkiza le ke aaya huun
ki ek pyase ko ye regzar paani hai
Leave a Reply