Poet
zulf khole tha kahan apni vo phir bebak raat
ḳhud-ba-ḳhud hota tha juun shana dil apna chaak raat
barg-e-gul shabnam se tar mat janiyo ai baghban
gul ne daman se kiye bulbul ke aansu paak raat
sham.a raushan juun ki aati hai nazar fanus men
burqe men tha jalva-gar vo ru-e-atishnak raat
mughbache ke chukne se ho gaya saara ḳhalal
the laga.e varna rindan duḳht-e-raz se taak raat
tu ne bhariyan sho.ala-afshan aisi hi aa.hen ‘raza’
yaar ke kuche ke jal ga.e sab ḳhas-o-ḳhashak raat
Leave a Reply