Hawa-E-Sham Na Jaane Kahan Se Aati Hai

havā-e-shām na jaane kahāñ se aatī hai

vahāñ gulāb bahut haiñ jahāñ se aatī hai

ye kis kā chehra damaktā hai merī āñkhoñ meñ

ye kis kī yaad mujhe kahkashāñ se aatī hai

isī falak se utartā hai ye añdherā bhī

ye raushnī bhī isī āsmāñ se aatī hai

ye kis ne ḳhaak uḌā dī hai lāla-zāroñ meñ

zamīñ pe aisī tabāhī kahāñ se aatī hai

sadā-e-girya jise ek maiñ hī suntā huuñ

hujūm-e-shahr tire darmiyāñ se aatī hai

Leave a Comment