Shahryar
hava chale varaq-e-arzu palat jaae
tulua ho koi chehra to dhund chhat jaae
yahi hai vaqt ki khvabon ke badban kholo
kahin na phir se nadi ansuon ki ghat jaae
bulandiyon ki havas hi zamin par laai
kaho falak se ki ab raste se hat jaae
giraft dhili karo vaqt ko guzarne do
ki dor phir na kahin saaton ki kat jaae
isi liye nahin sote hain ham ki duniya men
shab-e-firaq ki saughat sab men bat jaae
Leave a Reply