hathon ki be-rang lakiren paḌh lena
ḳhuun men Duubi kuchh tahriren paḌh lena
kaali jildon vaale raushan maktab se
haq ke harf ki kuchh tanviren paḌh lena
marne vaala aankh khuli kyon rakhta hai
an-miT ḳhvabon ki ta.abiren paḌh lena
nilami men bech rahe ho rishton ko
ghar ki zinat thiin tasviren paḌh lena
sud-o-ziyan par shahr-e-sitam ke kya hairat
ghasib ki jhuTi ta.aziren paḌh lena
sehr-e-sukut se ‘sima’ jab bahar niklo
sarkash lafzon ki tahriren paḌh lena
Leave a Reply