haath thame chal paḌa hai qafila ummid ka
har gali kuche men barpa jashn jaise iid ka
sun ke aahaT dauḌta hai jism men aise lahu
dekh kar aaya ho balak chand jaise iid ka
saans thame muntazir huun kam suḳhan ke lab hilen
ḳhatm ho ye silsila ḳhamosh ik tamhid ka
maut se va.ada nibhana siikh le tu zindagi
umr bhar rakkha hai tu ne muntazir ik diid ka
yuun ta.alluq hai hamari dhaḌkanon ka aap se
dil ke sahraon men badal ho koi ummid ka
pesh-e-jan ‘sima’ ka nazrana ho gar us ko qubul
muntazir hai dil hamara aap ki ta.id ka
Leave a Reply