Hasil-e-Umr-e-Rawan Wo Ek Pal

hasil-e-umr-e-ravan vo ek pal

jis men tha pahli nazar ka ruup chhal

dida-o-dil ke liye hain rahnuma

ye jhijak nichi nazar abru pe bal

pyaas lagti hai to kyon bujhti nahin

aap aae to hui uljhan ye hal

kya bura tha band hi rahti nazar

zindagi be-kaif si hai aj-kal

nama-e-aamal abhi be-rang hai

chaar din ki chandni jaae na Dhal

kaam tera hai ghani chhanv men kya

tu musafir hai tujhe chalna hai chal

phir kahin se ik zara avaz de

sar pe aai maut bhi jaati hai tal

Leave a Comment