hargiz mira vahshi na hua raam kisi ka
vo subh ko hai yaar mira shaam kisi ka
is hasti-e-mauhum men hargiz na khuli chashm
malum kisi ko nahin anjam kisi ka
itna koi kah de ki mira yaar kahan hai
billah main lene ka nahin naam kisi ka
hone de mira chaak gareban mire naseh
nikle mire hathon se bhala kaam kisi ka
nahaq ko ‘fughan’ ke taiin tashhir kiya hai
duniya men na hove koi badnam kisi ka
Leave a Reply