abhishek-shukla

Harf Lafzon Ki Taraf Lafz Maani Ki Taraf

harf lafzon ki taraf lafz maani ki taraf

laut aae sabhi kirdar kahani ki taraf

us se kahna ki dhuan dekhne ke laaeq hoga

aag pahne hue jaunga main paani ki taraf

pahle misre men tujhe soch liya ho jis ne

jaana padta hai use misra-e-sani ki taraf

dil vo dariya hai mire sina-e-khali men ki ab

dhyan jaata hi nahin jis ki ravani ki taraf

More Poems

Leave a Comment