Afzal Allahabadi
tere jalvon ko ru-ba-ru kar ke
tujh se milte hain ham vuzu kar ke
tere kuche se laut aae ham
apni ankhen lahu lahu kar ke
chak-daman hai chaak rahne de
kya karega use rafu kar ke
tere lahje men kaisa jaadu hai
ham bhi dekhenge guftugu kar ke
apni duniya lutae baitha huun
ye mila teri justuju kar ke
kho diya hai charagh bhi ‘afzal’
chand taron ki aarzu kar ke
Leave a Reply