Sufi

Harf-e-Haq Kaun Kahe Ab Sar-e-Darbar Miyan

harf-e-haq kaun kahe ab sar-e-darbar miyan

sar jhukae hain khade sab tire sardar miyan

koi vardi na sanad hai use darkar miyan

rahnuma mera ho bas sahab-e-kirdar miyan

kaise hoti hai sahar kis ko sahar kahte hain

vahi jaane jo raha raat men bedar miyan

tum sahara mujhe kya doge kabhi mushkil men

tum to khud se bhi nazar aate ho bezar miyan

haae kya soch ke nikle the kabhi ghar se tum

mangte phirte ho ab saya-e-divar miyan

raushni bhi nahin in men na hai khushbu koi

kya kitaben tiri kya hain tire ashar miyan

khuun kiya dil ko liya daagh jigar par main ne

mujh se puchho ki hai kya ishq ka azar miyan

gham na siine se lagae main jahan se jaata

mujh ko duniya men jo milta koi gham-khvar miyan

har taraf jalva-numai thi usi ki ‘masud’

tum rahe phir bhi yahan tishna-e-didar miyan

More Poems

Leave a Comment