Duniya Apni Maut Jald-Az-Jald Mar Jaane Ko Hai

duniyā apnī maut jald-az-jald mar jaane ko hai

ab ye Dhāñcha aisā lagtā hai bikhar jaane ko hai

ain us dam neshtar le aatī haiñ yādeñ tirī

zaḳhm tanhā.ī kā lagtā hai ki bhar jaane ko hai

jaane vaale aur kuchh din sog karnā hai tirā

zehn-o-dil se phir ye nashsha bhī utar jaane ko hai

vaqt-e-ruḳhsat bad-gumānī terī aisā ghaav thī

rafta rafta ab jo apnā kaam kar jaane ko hai

ham haqīqat-āshnā logoñ se kam milte haiñ log

un ko samjhāo ye shīrāza bikhar jaane ko hai

rut huā badlegī sab gul shāḳh par mar jā.eñge

ab ye mausam ḳhushbuoñ kā par katar jaane ko hai

Leave a Comment