Poet
harf-e-aghaz-e-sada-e-kun-fakan tha aur main
raqs men suraj tha piila asman tha aur main
gir ga.i mundri zamin ki dhuup ke talab main
justuju men ik jahan-e-be-nishan tha aur main
raushni ke da.ere the TuTte bante rahe
lafz ki taulid ka zarrin saman tha aur main
ik shua se chhanTna the rang ḳhushbu za.iqe
ek pechida anokha imtihan tha aur men
Than gaya tha ik tanaza iizad o iblis men
darmiyan kaun aaya aks-e-na-tavan tha aur main
be-yaqini aur yaqin ki sarhaden vazeh na thiin
imtizaj-e-la-zaman-o-la-makan tha aur main
Leave a Reply