har taraf hai us se mere dil ke lag jaane men dhuum
bulbul-o-gul men hai chah-chah sham-o-parvane men dhuum
fitna-gar hai naz-o-ishva us ki chashm-e-shokh men
juun machaven pi ke mai badmast mai-khane men dhuum
yaad men apni hai shayad vo faramush-kar bhi
dil kare hai mujh se us ki yaad dilvane men dhuum
jis tarah bad-e-khizan-dida men aati hai bahar
shahr men hoti hai us ke mere ghar aane men dhuum
naubat auron ki to ai saaqi subu-pardaz hai
kya machai hai hamare ek paimane men dhuum
juun bulandi se gire hai khaak par koi zaiif
hai miri us shokh ki nazron se gir jaane men dhuum
dekh to le ser ho kar tujh ko ye khana-kharab
aate hi kya hai tiri itni bhi ghar jaane men dhuum
barhaman hone ko aata hai naya shaikh aaj kaun
ho rahi hai har taraf ‘hasrat’ sanam-khane men dhuum
Leave a Reply