rat-bhar chand ki galiyon men phirati hai mujhe
zindagi kitne hasin ḳhvab dikhati hai mujhe
in dinon ishq ki fursat hi nahin hai varna
us dariche ki udasi to bulati hai mujhe
toḌ deta huun ki ye bhi kahin dhoka hi na ho
jaam men jab tiri surat nazar aati hai mujhe
din isi farq ke jangal men guzar jaata hai
raat yadon ka vahi zahr pilati hai mujhe
saath jis roz se chhuTa hai kisi ka ‘azar’
jaise kamre ki har ik chiiz Darati hai mujhe
Leave a Reply