Har Su Mausam Nur Pe Tha Jab Miladon Sat-Sangon Ka

har sū mausam nuur pe thā jab mīlādoñ sat-sañgoñ kā

thā jhankār pe raag basantī suufī sunnat malañgoñ kā

ghar ghar nachne naach rahe haiñ mahā-nagar ke tāloñ par

gaañv ke bārah-māsoñ meñ dam TuuT gayā mardangoñ kā

mere ahd ke bachche hindū muslim sikh īsā.ī haiñ

aman kī bagiyā meñ hai ab to har pal mausam dañgoñ kā

kyā ḳhush-marzī thī logoñ par logāñ jiite marte the

dil vāloñ kī bastī meñ ab qabza hai man-tangoñ kā

mulk mulk duryodhan mahshar-sāmān.ī par āmāda

niil gagan bantā jaa.e maidān sitāra jañgoñ kā

rājāoñ kā des thā ghar ghar hāthī jhūmā karte the

aaj vahī bhārat ‘rahmānī’ mulk hai bhūkoñ nañgoñ kā

Leave a Comment