Har Samt Pukara Hai Aawaz Nahin I

Asad Rizvi

har samt pukara hai avaz nahin i

sannaTa hai sannaTa tanha.i hai tanha.i

li fart-e-masarrat se barsat ne angḌa.i

jab chand se chehre par kaali si ghaTa chha.i

kuchh aisi adaon se gulshan men bahar i

shabnam ne ghazal chheḌi phulon ko hansi i

dariya ke talatum men maujon ki ye ra.ana.i

bimar si kashti men manjhi ki masiha.i

ye meri haqiqat hai ye meri shanasa.i

main ek tamasha huun duniya hai tamasha.i