har roz rah takti hain mere singhaar ki

har roz raah takti hain mere singhar ki

ghar men khili hui hain jo kaliyan anaar ki

kal un ke bhi khayal ko main ne jhatak diya

had ho gai hai mere bhi sabr-o-qarar ki

maazi pe guftugu se vo ghabra rahe the aaj

main ne bhi aaj baat vahi baar baar ki

ab pyaar ki ada pe bhi jhunjhla rahe hain vo

kahte hain mujh ko fikr hai kuchh karobar ki

aksar to log pahli sada par hi bik gae

boli to go lagi thi bade e’tibar ki

zinda rahi to naam bhi lungi na pyaar ka

saugand hai mujhe mire parvardigar ki

sab ka khayal ghar ki sajat ki mahfilen

main ne bhi ab ye aam ravish ikhtiyar ki

Leave a Comment