har lafz aur lafz ki tafsir ban gaya
yuun guftugu ka silsila zanjir ban gaya
ab aur kya subut vafa-dariyon ka duun
dekha jo us ne ḳhvab men ta.abir ban gaya
us ki taraf se tir-e-malamat ka ruḳh haTe
main bazm biich la.eq-e-tazir ban gaya
khulta kahan ye raaz bhala us hujum men
lekin main us ko dekh ke tasvir ban gaya
paḌte rahe hain pech sada rah-e-ishq men
tadbir ban ga.i to vo taqdir ban gaya
Leave a Reply