har kisi ḳhvab ke chehre pe likhun naam tira
main use apna hunar samjhun ki in.aam tira
titliyan phuul men kya DhunDhti rahti hain sada
kya kahen bad-e-saba rakh ga.i paigham tira
jis tarah rang-e-shafaq jhiil men ghul jaata hai
aks-e-lab aise utarta hai tah-e-jam tira
raat aa.egi to dikhla.ega kuchh aur hi rang
vo jo din bhar to paraya laga aur shaam tira
faqat is soch men haath uThte nahin vaqt-e-dua
main bhala kis tarah samjha.un tujhe kaam tira
taqche gosha-e-dil fikr-o-amal chhan chuke
kisi halat men bhi milta nahin islam tira
sham.a bujhti hai to duniya men sahar hoti hai
ai suḳhan-var tira aghaz hai anjam tira
Leave a Reply