Poet
har ik zarre se hai tabani-e-shams-o-qamar paida
har ik a.ine se hai surat-e-a.ina-gar paida
zamana band kar deta hai jis par ik dar-e-ishrat
to is ke vaste karti hai fitrat laakh dar paida
gadaon ki nazar men ḳhaak hai tauqir-e-sultani
fusun-e-ishq kar deta hai zarron men nazar paida
nahin kuchh duur ye bhi surma qaumon ki fitrat se
shikasten kha ke bhi kar lete hain fat.h-o-zafar paida
junun ko chahiyen be-ḳhauf-o-a.ali-zarf divane
har ik divar men zindan ki ho sakte hain dar paida
haqiqat men ḳhizan ta.amir hai fasl-e-bahari ki
ki dard-e-sar se hoti hai dava-e-dard-e-sar paida
Leave a Reply