Najma Shaheen Khosa
har ek khvab men harf-o-bayan men rahta hai
vo ek shakhs jo dil ke makan men rahta hai
na dil nikalta hai us ka na shaam hoti hai
ab is tarah se bhi koi jahan men rahta hai
yaqin hai ki vo mujh par yaqin rakhta hai
guman hai to vo ab tak guman men rahta hai
main is tarah se huun azad apni duniya men
ki jaise koi parind ashiyan men rahta hai
rakha hua hai hifazat ke saath use dil men
main be-aman huun vo to amaan men rahta hai
Leave a Reply