Har-Chand Dukh-Dahi Se Zamane Ko Ishq Hai

Poet

har-chand dukh-dahi se zamane ko ishq hai

lekin mire bhi taab ke laane ko ishq hai

ashufta-sar hain yaan dil-e-sad-chak bhi ka.i

tanha na teri zulf se shane ko ishq hai

aflak baiThe jaa.en the jis bojh ke tale

aadam ke vaise baar uThane ko ishq hai

vahshat ko apni shahr o bayaban men ja nahin

aaqil ko ab dua o divane ko ishq hai

ya-rab ban aa.i aadmi mar jaa.e par na ho

vo ranj-e-bad-bala jo kahane ko ishq hai

dil ko chhuTa vahin se phansaya to zulf men

ai ishq tere baat baḌhane ko ishq hai

‘qa.em’ havas se go ki kahi sab ne ye ghazal

lekin tire radif biThane ko ishq hai