hans raha tha main bahut go vaqt vo rone ka tha
sakht kitna marhala tujh se juda hone ka tha
rat-jage taqsim karti phir rahi hain shahr men
shauq jin ankhon ko kal tak raat men sone ka tha
is safar men bas miri tanhai mere saath thi
har qadam kyuun khauf mujh ko bhiid men khone ka tha
har bun-e-mu se darindon ki sada aane lagi
kaam hi aisa badan men khvahishen bone ka tha
main ne jab se ye suna hai khud se bhi nadim huun main
zikr tujh honton pe mere dar-ba-dar hone ka tha
Leave a Reply