Hangama Shahr-E-Jaan Mein Musalsal Lahu Se Hai

Mehboob Rahi

altaf-o-karam ghaiz-o-ghazab kuchh bhi nahin hai

tha pahle bahut kuchh magar ab kuchh bhi nahin hai

barsat ho suraj se samundar se uge aag

mumkin hai har ik baat ajab kuchh bhi nahin hai

dil hai ki haveli koi sunsan si jis men

ḳhvahish hai na hasrat na talab kuchh bhi nahin hai

ab ziist bhi ik lamha-e-sakit hai ki jis men

hangama-e-din garmi-e-shab kuchh bhi nahin hai

sab quvvat-e-bazu ke karishmat hain ‘rahi’

kya chiiz hai ye nam-o-nasab kuchh bhi nahin hai