Poet
haan ḳhud-azar hain danista saza chahte hain
aisi duniya se to ham karb-o-bala chahte hain
ham pe kha kha ke taras puchh raha hai qatil
taḳhta hai tegh hai farma.iye kya chahte hain
kya koi biit chuke gham ke badalte mausam
sanehe jo na hue vo bhi hua chahte hain
nur-e-mahtab se ham muund ke ankhen apni
atish-afshani ḳhavar ki ziya chahte hain
vo ki Thukrate hain ma.asum farishton ka libas
apne shaitan se ik chust qaba chahte hain
kaun kahta hua zindan-e-badan se nikla
qaid men rakh ke bhi ham se ye vafa chahte hain
apni rudad ka raavi hai ye sota hua ghar
ik palak niind nahin chaar baja chahte hain
mar miTa jin ke liye jam.a kiya mal-o-manal
vahi jiina na rahe ab virsa chahte hain
maut ka ḳhauf bhi hota to mafar kab milta
phir ye ham kis liye darman-o-dava chahte hain
band karne do hamen band hava ke pankhe
is fara-ḳhez se jangal ki hava chahte hain
zindagi tujh ko bahut kuchh to samajh hi ga.e ham
kuchh hijabat hain baaqi so uTha chahte hain
nau-baharan ki nazahat pe taravat pe na ja
kuchh shagufe hain na.e bhi jo khila chahte hain
kaj-ravan naqsh-e-kaf-e-pa ko miTane ke ba.ad
kitne saada hain ki naqsh-e-kaf-e-pa chahte hain
ma.arka ho to yahan koi maraz lahaq hai
lashkari bhi hain to kya bang-e-dara chahte hain
chait jaao un ujalon ko pas-andaz karo
kuchh diye hain jo koi dam men bujha chahte hain
asman par vahi rah jaa.en na taare hon na chand
aur to aur ye shams-ul-ulama chahte hain
sab se mumtaz rahe kaḳh-e-mualla un ka
char-su jhonpaḌiyan bhi ra.usa chahte hain
ghar se nikle hain kafan-posh samajh-bujh ke ham
ki vahi sab se baḌe hain jo bhala chahte hain
ye zamin diije hamen kachche falak-paima.i
ham hua chahte hain ab-e-ḳhala chahte hain
ḳhush karun kitnon ko kis kis ko bana.un dushman
saare bhagvan miri pararthna chahte hain
dast-kash bhi rahe ḳhushudi-e-duniya se to kya
vahi kab ḳhush hai miyan jis ki raza chahte hain
ḳhud-farebi ki parastari-e-gum-karda-rahan
ki par-e-kah hain aur kah-ruba chahte hain
ham jahangir hain ik nur-e-jahan rakhte hain
us ki chalen to nahin us ki ada chahte hain
ḳhidmat-e-sher-o-adab ka to hamen da.ava hai
koi kya jaane ki taskin-e-ana chahte hain
Leave a Reply