haan dhanak ke rang saare khul ga.e
mujh pe tere sab ishare khul ga.e
ek to ham khel men bhi the na.e
us pe patte bhi hamare khul ga.e
jhiil men a.ankhon ki tum utre hi the
aur ḳhvabon ke shikare khul ga.e
narm hi thi yaad ki har pankhuḌi
phir bhi mere zaḳhm saare khul ga.e
mujh ko jakḌe the ka.i bandhan magar
tere bandhan ke sahare khul ga.e
sulh aḳhir ho ga.i jhagḌa miTa
bhed to lekin hamare khul ga.e
Leave a Reply