ahmad-javed

Hamesha Dil Hawas-e-Intiqam Par Rakkha

hamesha dil havas-e-intiqam par rakkha

khud apna naam bhi dushman ke naam par rakkha

vo badshah-e-firaq-o-visal hai us ne

jo baar sab pa giran tha ghulam par rakkha

kiye hain sab ko ata us ne ohda o mansab

mujhe bhi sina-kharashi ke kaam par rakkha

koi savar utha hai pas-e-ghubar-e-fanaa

qaza ne haath kulah o niyam par rakkha

kisi ne be-sar-o-pai ke bavajud mujhe

zamin-e-sajda o arz-e-qayam par rakkha

More Poems

Leave a Comment