Hamein Waqf-E-Gham Sar-Ba-Sar Dekh Lete

hamen vaqf-e-gham sar-ba-sar dekh lete

vo tum kuchh na karte magar dekh lete

na karte kabhi khvahish-e-sair-e-jannat

jo vaaiz tira rahguzar dekh lete

rasai kahan bazm-e-dushman men apni

ki ham bhi unhen ik nazar dekh lete

tamanna ko phir kuchh shikayat na rahti

jo tum bhuul kar bhi idhar dekh lete

na rahti khabar diin o duniya ki ‘hasrat’

jo sote unhen be-khabar dekh lete

Leave a Comment