Kis Qadar Masum Dukhiyare Hain Ye

kis qadar ma.asūm dukhiyāre haiñ ye

raushnī kī raat ke taare haiñ ye

ham ko to gintī talak aatī nahīñ

kitnā kuchh jiitā hai aur haare haiñ ye

haa.e kaisī dopahar kā sāmnā

pā-barahna ham haiñ banjāre haiñ ye

makr hai sab pāniyoñ pe tairnā

duur rahnā jalte angāre haiñ ye

kaun jaane in kī baḳhshish hai kahāñ

pattharoñ pe roz sar maare haiñ ye

Leave a Comment